Қазақстандағы Америка сауда палатасының (AmCham) атқарушы директоры ретінде Джефф Эрлих Қазақстандағы бизнес пен инвестициялық ахуалды жақсарту бағытындағы Палатаның қызметіне жетекшілік етеді. Бұған дейін ол Chevron компаниясында әлеуметтік тиімділік жөніндегі аға кеңесші, сондай-ақ Украинадағы ЕҚЫҰ-ның ұзақ мерзімді миссиясы басшысының орынбасары қызметтерін атқарған. Джефф Эрлих Қазақстанға алғаш рет АҚШ Бейбітшілік корпусының еріктісі ретінде келген. Кейіннен ол Орталық Азияның Еуразия қорын басқарып, басқару, даму және мүдделі тараптармен өзара іс-қимыл салаларында кәсіби мансабын қалыптастырды. Ол Флетчер мектебінің және Массачусетс университетінің магистр дәрежелеріне, сондай-ақ Америка университетінің бакалавр дәрежесіне ие.